• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی، پتنگ کی ڈور میں چیل پھنس گئی،پولیس کی مدد سے آزاد


کراچی میں لاک ڈاؤن کے دوران پتنگ بازوں کی خونی ڈوریں گردنوں پر پھرنے سے درجن سے زائد شہری تو زخمی ہوچکے ہیں لیکن پی ای سی ایچ سوسائٹی میں دوران پرواز ایک چیل بھی پتنگ کی ڈور میں پھنس گئی اور بری طرح جکڑ کر زمین پر آگری۔ 

فیروز آباد تھانے کے ایس ایچ او انسپکٹر اورنگزیب خٹک کے مطابق پی ای سی ایچ سوسائٹی میں کورونا وائرس لاک ڈاؤن کی ڈیوٹی دینے والے ان کے تھانے کے عملے نے پتنگ کی ڈور میں بری طرح جکڑ کر زمین پر گری چیل کو ہنگامی امداد دی گئی۔ 

پولیس کے مطابق یہ چیل دوران پرواز پتنگ کی ڈور سے لپٹ کر زمین پر گئی تھی۔ 

فیروز آباد پولیس کے اہلکاروں نے ڈور میں جکڑی چیل کو چلتی سڑک سے اٹھایا اور چُھری کی مدد سے ڈور کو کاٹ کر چیل کو آزاد کردیا جو آزاد ہوتے ہی فضا میں اڑ گئی۔ 

راہ گیروں کی جانب سے پولیس اہلکاروں کے اس اقدام کو سراہا جارہا ہے۔

قومی خبریں سے مزید