-
فرمان الہی
-
نماز کے اوقات
- جمعرات 16؍شوال المکرم 1445ھ25؍اپریل 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
پاکستان سپر لیگ کی ٹیم لاہور قلندرز کے چیف ایگزیکٹیو آفیسر (سی ای او) عاطف رانا کا کہنا ہے کہ لاہور قلندر کے کھلاڑی حارث رؤف کے پاکستان اسکواڈ کا ایک بار پھرحصہ بننے پرخوشی ہوئی ہے ۔
سی ای او لاہورقلندرز رانا عاطف نے اپنے ایک بیان میں کہا ہے کہ حارث رؤف پلیئر ڈویلپمنٹ پروگرام کے خوابوں کی تعبیر ہے، حارث رؤف کے سفر سے خوشی ہو رہی ہے، وہ مزید کامیابیاں حاصل کرے گا۔
عاطف رانا نے کہا ہے کہ بنگلادیشں کے خلاف ڈیبیو، سینٹرل کانٹریکٹ کی ایمرجنگ کیٹگری میں آنا، اب انگلینڈ جانا قابل ستائش ہے۔
انہوں نے مزید کہا کہ امید ہے کہ حارث رؤف کامیابیوں کا تسلسل قائم رکھے گا، لاہور قلندرز کے پلیٹ فارم سے مزید کھلاڑی قومی ٹیم میں آنے کے لیے تیار ہو رہے ہیں۔
عاطف رانا کا کہنا تھا کہ پلیئرز ڈویلپمنٹ پروگرام جس مقصد کے لیے بنایا گیا، اس کے ثمرات مل رہے ہیں۔
