اسٹرنگز نے سنجے دت سے ملاقات کی یاد تازہ کردی

پاکستان کے بین الاقوامی شہرت یافتہ پاپ راک بینڈ اسٹرنگز کے بلال مقصود کو لاک ڈاؤن میں بالی ووڈ اداکار سنجے دت سے یادگار ملاقات یاد آگئی۔

بلال مقصود نے اپنے انسٹاگرام اکاؤنٹ پر بینڈ کے فوٹو شوٹ کی ایک تصویر شیئر کی اور سنجے دت سے یادگار ملاقات کا احوال بھی مداحوں کو سنایا۔

گلوکار نے لکھا کہ یہ تصویر اس وقت کی ہے کہ جب وہ لوگ سنجے دت اور جان ابراہام کی فلم ’زندہ‘ کی تشہیری مہم پر تھے۔

2006 میں ریلیز ہونے والی فلم ’زندہ‘ کا ٹائٹل سونگ ’ یہ میری کہانی‘ اسٹرنگز نے گایا تھاجس کی بلیک اینڈ وائٹ ویڈیو میں بینڈ کے ساتھ جان ابراہم اور سنجے دت بھی شامل ہیں۔