آپ آف لائن ہیں
بدھ21؍ذی الحج1441ھ12؍اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

کورونا احتیاط؛ کیفے میں سماجی فاصلے کو یقینی بنانے کیلئے منفرد اقدام


دنیا بھر میں کورونا وائرس کی عالمی وبا کو پھیلنے سے روکنے کیلئے حفاظتی اقدامات پر سختی سے عمل کیا جا رہا ہے اور اس حوالے سے مختلف اقدامات کئے جارہے ہیں۔

کوسوو میں لاک ڈاؤن میں نرمی کے بعد ریسٹورنٹ کھل گئے ہیں اور ایسے میں ایک کیفے نے سماجی فاصلے کو یقینی بنانے کیلئے انوکھا اقدام کیا۔

انتظامیہ نے کورونا وائرس سے متعلق احتیاطی تدابیر برقرار رکھنے کیلئے ہر ٹیبل پر ایک کرسی کے ساتھ دوسری کرسی پر کھلونا ٹیڈی بیئر رکھ دیئے تاکہ کھانا کھانے والوں کے درمیان سماجی فاصلہ برقرار رہے۔

ٹیڈی بیئرز سے گاہکوں کو جہاں تفریح کا موقع مل گیا وہیں اکیلے پن کا احساس بھی ختم ہوگیا جسے شہریوں نے بیحد سراہا۔