نواز شریف اب برطانیہ میں سیاسی پناہ لیں گے، شیخ رشید کی پیشگوئی

وفاقی وزیر ریلوے شیخ رشید نے پیش گوئی کی ہے کہ سابق وزیراعظم نواز شریف اب برطانیہ میں سیاسی پناہ لیں گے۔

جیو نیوز کے پروگرام نیا پاکستان میں اظہار خیال کرتے ہوئے شیخ رشید نے کہا کہ آج کی تقریر کے بعد نواز شریف برطانیہ میں سیاسی پناہ لے لیں گے۔

مشترکہ پارلیمان کے اجلاس میں شہزاد اکبر کا ووٹ بھی گنا گیا، بلاول بھٹو

پیپلز پارٹی کے چیئرمین بلاول بھٹو زرداری نے کہا ہے کہ پارلیمان کے مشترکہ اجلاس میں سب کے سامنے دھاندلی ہوئی، جو قوم نے ٹی وی اسکرین پر بھی دیکھی، وزیراعظم کے معاون خصوصی شہزاد اکبر جو پارلیمنٹ کے رکن نہیں ان کا ووٹ بھی گنا گیا۔

ان کا کہنا تھا کہ نواز شریف کی واپسی کی امید رکھنے والے اپنی رائے بدل لیں، سابق وزیراعظم کی واپسی کی گنجائش نہیں بچی۔

وفاقی وزیر ریلوے نے مزید کہا کہ نواز شریف نے اپنی وطن واپسی کے دروازے خود بند کردیے ہیں۔

مولانا فضل الرحمٰن کا تقریر نشر نہ کرنے پر پیپلز پارٹی سے احتجاج

جمعیت علما ء اسلام ( ف) کے سربراہ مولانا فضل الرحمٰن نے آل پارٹیز کانفرنس (اے پی سی) میں اپنی تقریر براہ راست نشر نہ کرنے پر میزبان پیپلز پارٹی سے احتجاج کیا ہے۔

انہوں نے کہا کہ اپوزیشن جماعتوں کی آل پارٹیز کانفرنس (اے پی سی) ناکام ہوگئی ہے، حزب اختلاف کچھ نہیں کرے گی۔

شیخ رشید نے یہ بھی کہا کہ مولانا فضل الرحمٰن کی آواز کا گلا انہوں نے خود دبایا ہے۔