کراچی، صبح کے وقت کہر چھائے رہنے کا امکان

کراچی میں آئندہ 24 گھنٹوں کے دوران موسم خشک رات میں سرد اور صبح کے وقت کہر چھائے رہنے کا امکان ہے۔

محکمہ موسمیات کے مطابق شہر کا کم سے کم درجہ حرارت 17 اعشاریہ 4 ڈگری سینٹی گریڈ ریکارڈ کیا گیا جبکہ زیادہ سے زیادہ درجہ حرارت 31سے33 ڈگری سینٹی گریڈ کے درمیان بڑھنے کاامکان ہے۔

شہر میں شمال مشرق کی سمت سے چلنے والی ہلکی ہوا میں نمی کا تناسب 92 فیصد ہے ، جبکہ اس وقت حد نگاہ دو کلو میٹر تک ہے۔