لاہور: پہلا شوہر ہونے کے دعویدار پر دلہن کے بھائیوں کی فائرنگ

لاہور کے علاقے نشتر کالونی میں نکاح کی تقریب میں لڑکی کا پہلا شوہر ہونے کا دعوے دار بھی پہنچ گیا، جسے دیکھتے ہی دلہن کے بھائیوں نے فائرنگ کر دی، فائرنگ سے مدعی شوہر اور اس کا ساتھی زخمی ہو گئے، ’جیو نیوز‘ نے فائرنگ کی سی سی ٹی وی ویڈیو حاصل کر لی۔

لاہور: دو گروپوں میں فائرنگ، 3افراد زخمی

لاہور کے علاقے شاہ جمال چوک میں دو گروپوں کے درمیان...

نشتر کالونی میں نکاح کی تقریب جاری تھی کہ دلہن کا مدعی شوہر فہیم اپنے ساتھی اور ماں سمیت پہنچ گیا، اسے دیکھتے ہی دلہن کے چاروں بھائی مشتعل ہوگئے، جنہوں نے اسلحہ نکالا اور اندھا دھند فائرنگ کر دی۔

فوٹیج میں دیکھا جا سکتا ہے کہ چاروں افراد سرِعام فائرنگ کر رہے ہیں، حملہ آور زخمی فہیم پر تشدد بھی کرتے ہیں، فہیم کی ماں دہائی دیتی رہی مگر کسی نے ایک نہ سنی، محلے داروں نے زخمیوں کو اسپتال پہنچایا۔

متاثرہ نوجوان فہیم کا کہنا ہے کہ ثناء نے 7 ماہ پہلے اس سے نکاح کیا تھا، چند روز قبل میکے آئی تھی، اب اس کا نکاح پر نکاح کیا جا رہا تھا، لڑکی کا ایک بھائی پولیس ملازم ہے۔

متعلقہ پولیس کا کہنا ہے کہ درخواست ملنے پر مقدمہ درج کر لیا جائے گا۔