مفتی زر ولی خان کی نمازہ جنازہ ادا کر دی گئی

گلشن اقبال میں شیخ التفسیرحضرت مفتی زرولی صاحب کی نمازہ جنازہ ادا کردی گئی ہے، نمازجنازہ عربیہ احسن العلوم پارک میں مولانا انور شاہ نے پڑھائی۔

نمازجنازہ میں جے یو آئی کےراشد محمود سومرو،حافظ نعیم الرحمن، مولانا اورنگزیب فاروقی سمیت جامعہ بنوریہ کے مہتمم مفتی نعمان نعیم و دیگردینی مدارس کےعلماء کرام نے شرکت کی۔

مفتی زرولی خان کی تدفین سپرہائی وے پر واقع احسن العلوم میں کی جائے گی۔

مفتی زرولی1953میں ضلع صوابی کے قصبہ جہانگیرا میں پیدا ہوئے، علوم الاسلامیہ علامہ بنوری ٹاؤن گرومندر سے سند حاصل کی۔

انہوں نے 1978میں گلشن اقبال میں احسن العلوم کے نام سے مدرسہ قائم کیا۔