بزرگ دوکاندار کی تین ڈاکوؤں کو مارنے کی ویڈیو وائرل

فیصل آباد میں بزرگ دکاندار نے جواں مردی کا مظاہرہ کرتے ہوئے تین مسلح ڈاکوؤں کے سامنے ہار ماننے سے انکار کردیا۔

ڈاکوؤں کے مطالبے پر رقم حوالے کرنے کے بجائے ٹی اسٹال کے بزرگ مالک نے چائے کی کیتلی اور پانی کی بوتلیں مار کر ڈاکوؤں کو بھاگنے پر مجبور کردیا بزرگ چائے فروش کی مزاحمت کی ویڈیو وائرل ہو گئی۔

منصور آباد کے علاقے میں مسلح ڈاکوؤں کو ایک بزرگ شہری کا ٹی اسٹال لوٹنے کی کوشش کے دروان حیرت انگیز مزاحمت کا سامنا کرنا پڑ گیا۔

بزرگ چائے فروش نے ڈاکوؤں کی للکار پر ڈھیر ہونے کی بجائے ان پر چائے کی کیتلی اور پانی کی بوتلوں کے ساتھ حملہ کر دیا اور تاک تاک کر اسلحہ سے لیس ڈاکوؤں پر نشانے لگائے کہ ڈاکو بوکھلا کر بھاگنے پر مجبور پر ہوگئے۔

جواں ہمت بوڑھے دکاندار کی دلیری کی ویڈیو وائرل ہو گئی۔