فرمان الہی
نماز کے اوقات
اسلامی فتوحات پر مبنی شہرہ آفاق تُرک سیریز ’ارطغرل غازی‘ میں معروف صوفی بزرگ ’ابن عربی‘ کا کردار ادا کرنے والے تُرک نژاد امریکی اداکار عثمان سویقوت نے دُنیا بھر کے نوجوانوں کو سالِ نو کی مبارکباد پیش کی ہے۔
سماجی رابطے کی ویب سائٹ انسٹاگرام پر عثمان سیقوت نے ’ارطغرل غازی‘ کے کردار عبدالرحمٰن کے ہمراہ اپنی تصویر شیئر کی ہے۔
مذکورہ تصویر میں ارطغرل غازی کے ان دونوں اداکاروں کے ساتھ کچھ نوجوان بچیوں کو بھی دیکھا جاسکتا ہے جو کسی اسکول کی طلبہ لگ رہی ہیں۔
عثمان سیقوت نے تصویر شیئر کرتے ہوئے کیپشن میں لکھا کہ ’دُنیا بھر کے تمام نوجوانوں کو میری طرف سے سالِ نو مبارک ہو۔‘
اُنہوں نے کہا کہ ’اس دُنیا کا مستقبل نوجوان نسل سے ہی ہے۔‘
عثمان سیقوت نے یہ پیغام انگریزی اور تُرکش زبان میں جاری کیا تاکہ تُرکی سمیت دُنیا بھر موجود اُن کے نوجوان مداح اُن کا یہ خصوصی پیغام باآسانی سمجھ سکیں۔
واضح رہے کہ ’ارطغرل غازی ‘ میں معروف صوفی بزرگ ’ابن عربی‘ کا کردار ترک نژاد امریکی اداکار عثمان سویقوت نے ادا کیا ہے۔
وزیر اعظم عمران خان کی ہدایت پر سرکاری ٹی وی چینل پر گزشتہ سال یکم رمضان سے اُردو زبان میں نشر کی جانے والی ترک سیریز ’ارطغرل غازی‘ نے پاکستانیوں پر اپنے سحر میں جکڑا ہوا ہے۔
