• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

صبا قمر کا پھول بھیجنے والے ’گمنام مداح‘ کے نام پیغام

پاکستان فلم اور ڈرامہ انڈسٹری کی معروف اداکارہ صبا قمر نے روزانہ کی بنیاد پر پھول بھیجنے والے گمنام مداح کے نام پیغام دیا ہے۔

صبا قمر نے انسٹاگرام اسٹوری پر لال گلاب کے گلدستے کی تصویر شیئر کرتے ہوئے اپنے مداح کو مخاطب کیا اور کہا کہ ’میں آپ سے بات کرنا چاہتی ہوں، آپ مجھ سے اپنے اُن مکالموں کے ساتھ رابطہ کریں جو آپ روزانہ پھولوں میں استعمال کرتے ہیں۔‘

صبا قمر نے یہ بھی لکھا کہ ’یہ تحفے قبول کرنا میرے لیے بہت زیادہ ہیں، میں انہیں آپ کو واپس بھیجنا چاہتی ہوں تو چلیں بات کرتے ہیں۔‘

صبا قمر نے آخر میں لکھا کہ وہ اپنے مداح کے جواب کی منتظر ہیں۔

خیال رہے کہ صبا قمر گزشتہ چند روز سے اپنی انسٹاگرام اسٹوریز پر خوبصورت گلدستے کی تصاویر شیئر کر رہی تھیں۔


صبا قمر روزانہ ایک نا معلوم مداح کی جانب سے موصول ہونے والے گلدستے اور تحائف پر وہ ان کی مشکور بھی دکھائی دیتی تھیں۔

انٹرٹینمنٹ سے مزید