آپ آف لائن ہیں
جمعہ13؍ رجب المرجب 1442ھ 26؍فروری2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

’ڈی ایچ اے مافیا کلب‘ گاڑی پکڑی گئی، سیکورٹی گارڈز زیرحراست، اسلحہ ضبط

کراچی کے پوش علاقے میں قانون نافذ کرنے والے اداروں کے مخصوص رنگ کی گاڑی پکڑی گئی ہے، جس پر ’ڈی ایچ اے مافیا کلب‘ کی فینسی نمبر پلیٹ بھی لگی ہے۔

سوشل میڈیا پر اس گاڑی کی تصویر وائرل ہوئی تھی، جس پر جدید ہتھیاروں سے لیس سیکیورٹی گارڈ بھی دکھائے گئے اور سوشل میڈیا پر یہ چیلنج ٹرینڈ بن گیا تھا کہ کوئی ان گاڑی والوں کو پکڑ کر دکھائے۔

کلفٹن پولیس کے مطابق چیکنگ کے دوران اس گاڑی کو تحویل میں لیا گیا۔ گاڑی میں موجود سیکیورٹی گارڈز کو بھی حراست میں لے لیا گیا۔

پولیس کے مطابق سیکورٹی گارڈز کے پاس اسلحے کے لائسنس نہیں تھے۔ دریافت پر تسلی بخش جواب نہ ملنے پر سیکورٹی گارڈز کو حراست میں لیا گیا اور ان کا اسلحہ بھی ضبط کر لیا گیا ہے۔

فینسی نمبر پلیٹ پر گاڑی کو تحویل میں لیکر قانونی کارروائی کی گئی ہے۔

قومی خبریں سے مزید