کورونا ویکسین غیر متعلقہ افراد کو لگانے پر ہیلتھ آفیسر عہدے سے فارغ

کراچی میں کورونا ویکسین غیر متعلقہ افراد کو لگانے کے معاملے پر وزیر صحت نے ڈپٹی ڈسٹرکٹ ہیلتھ آفیسر ڈاکٹر انیلا قریشی کو عہدے سے ہٹادیا۔

وزیرِ صحت نے  ای او سی کے کو آرڈییٹر کو تحقیقات کا حکم دیتے ہوئے تین رکنی ویکسین آڈٹ کمیٹی قائم کردی۔

ڈی جی ہیلتھ سندھ ڈاکٹر ارشاد میمن کمیٹی کے سربراہ ہوں گے، سربراہ ای پی آئی ڈاکٹر اکرم سلطان اور ڈپٹی سیکریٹری ہیلتھ ڈاکٹر ظہیر عباسی کمیٹی میں شامل ہیں۔

وفاق کی طرف سے دی گئی ویکسین کیا سیاسی خاندانوں کو لگائی جا رہی ہے؟ شہباز گِل

اپنے ایک بیان میں شہباز گل نے کہا کہ کورونا وائرس پر سیاست کرنے والے مافیا کو ہیلتھ ورکرز سے زیادہ اشرافیہ کی فکر ہے۔

کمیٹی کو تمام ویکسینیشن سینٹرز کے دوروں کی ہدایت کردی گئی۔

وزیر صحت نے ہدایت کی کہ  فرنٹ لائن ہیلتھ ورکرز کے علاوہ غیر متعلقہ افراد کو ویکسین نہ لگے، جبکہ کمیٹی ہفتہ وار اپنی رپورٹ جمع کروائے گی۔