آپ آف لائن ہیں
بدھ18؍ رجب المرجب 1442ھ3؍مارچ 2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

پی ایس ایل6 کی انرجی بڑھاتا ’لاہور قلندرز‘ کا ترانہ ریلیز

پاکستان سُپر لیگ (پی ایس ایل) کی فرنچائز لاہور قلندرز کا ترانہ ’بول قلندر پاکستان‘ ریلیز کردیا گیا ہے۔

لاہور قلندرز کا ترانے میں ابرارالحق نے اپنی سُریلی آواز کا جادو جگایا اور پی ایس ایل کی رونقوں میں مزید اضافہ کردیا ہے۔

ابرار الحق نے ترانے کی ویڈیو اپنے یوٹیوب چینل پر شیئر کی جسے اب تک 17 ہزار لوگ دیکھ چکے ہیں۔

لاہور قلندرز کے ترانے کو شائقین کرکٹ کی جانب سے خوب پسند کیا جارہا ہے اور کہا جارہا ہے کہ ترانوں کی گیم تو قلندرز نے جیت لی ہے۔

2 منٹ اور 43 سیکنڈ کی ویڈیو میں پی ایس ایل کے پچھلے سیزنز کے میچز میں لاہور قلندرز کے یادگار لمحات کو حصہ بنایا گیا ہے۔


گلوکار ابرارالحق نے اپنے ٹوئٹ میں کہا کہ ’یہ ترانہ آپ کے جوش و جذبے اور پی ایس ایل کی رونق میں مزید اضافہ کرے گا۔‘

پاکستان سپر لیگ کا آغاز آج سے کراچی میں ہورہا ہے، پی ایس ایل 6 کے کراچی میں 20 میچز 7 مارچ تک کھیلے جائیں گے جبکہ فائنل سمیت لاہور میں 14 میچز 10 مارچ سے کھیلے جائیں گے۔

کھیلوں کی خبریں سے مزید