ریما خان کا ترکی میں ارطغرل غازی کی ٹیم کیجانب سے پرتپاک استقبال

پاکستان فلم انڈسٹری کی معروف اداکارہ ریما خان کا ترکی میں ارطغرل غازی کی ٹیم کی جانب سے پرتپاک استقبال کیا گیا ہے۔

ریما خان نے اپنے تصدیق شدہ انسٹاگرام اکاؤنٹ پر اپنی کچھ نئی تصویریں شیئر کی ہیں جن میں اداکارہ پاکستان کے دوست ملک تُرکی میں موجود ہیں۔

مذکورہ تصویروں میں ریما خان کے ہمراہ شہرہ آفاق تُرک سیریز ’ارطغرل غازی‘ کی پروڈکشن ٹیم بھی موجود ہیں۔

ریما خان نے تصویریں شیئر کرتے ہوئے اپنے مداحوں کو بتایا کہ ’میں تُرکی میں موجود ہوں۔‘

ارطغرل غازی کے دو اداکاروں کی پاکستان آمد

شہرہ آفاق تُرک سیریز ’ارطغرل غازی‘ میں گنکت الپ اور کوتلوکا الپ کا کردار ادا کرنے والے تُرک اداکار حکام سیرم اور مہمت پالا پاکستان پہنچ گئے ہیں۔

اداکارہ نے کہا کہ ’تُرکی پہنچنے پر ’ارطغرل غازی‘ کی پروڈکشن ٹیم نے میرا شاندار استقبال کیا۔‘

اس کے علاوہ ریما خان نے اپنا ایک خصوصی ویڈیو پیغام بھی جاری کیا۔

ریما خان نے کہا کہ ’میں اس وقت ائیرپورٹ پر موجود ہوں اور مجھے یہ دیکھ کر شدید دُکھ ہورہا ہے کہ ائیرپورٹ پورا خالی ہے۔‘

اداکارہ نے کہا کہ ’میری دُعا ہے اللّہ تعالیٰ جلد از جلد پوری دُنیا کو کورونا وائرس کی اس آزمائشی گھڑی سے نکال دے۔‘

دوسری جانب  ’ارطغرل غازی‘ میں گنکت الپ اور کوتلوکا الپ کا کردار ادا کرنے والے تُرک اداکار حکام سیرم اور مہمت پالا پاکستان پہنچ گئے ہیں۔

اس ضمن میں حکام سیرم نے اپنے تصدیق شدہ انسٹاگرام پر جاری کی گئی پوسٹ کے ذریعے اپنے مداحوں کو پاکستان پہنچنے کی اطلاع دی۔

آزمائش کی یہ گھڑیاں گُزر جائیں گی، ریما خان

ماضی کی معروف فلم اسٹار ریما خان کا کہنا ہے کہ صرف چند روز کی بات ہے اُس کے بعد آزمائش کی یہ گھڑیاں گُزر جائیں گی۔

واضح رہے کہ اس سے قبل بھی ارطغرل غازی کے کئی اداکار پاکستان کا دورہ کرچکے ہیں، جن میں ارطغرل کا مرکزی کردار ادا کرنے والے انگین التان دوزیتان اور دوآن الپ کا کردار ادا کرنے والے چنگیز جوشقون، بامسی، ارتک بے، جلال آل اور کمال تکدن شامل ہیں۔