آپ آف لائن ہیں
منگل7؍رمضان المبارک 1442ھ 20؍اپریل2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

جمال خاشقجی سے متعلق امریکی رپورٹ پر پاکستان کا ردِعمل


سعودی صحافی جمال خاشقجی کے قتل سے متعلق امریکی رپورٹ کے معاملے پر دفتر خارجہ کا ردِ عمل سامنے آیا ہے جس میں کہا گیا ہے کہ سعودی حکومت نے اس معاملہ میں انصاف کے تمام تقاضے پورے کیے ہیں، پاکستان صحافی کے قتل میں ملوث افراد کو کیفر کردار تک پہنچانے کی کاوشوں کو تسلیم کرتا ہے۔

ترجمان دفتر خارجہ زاہد حفیظ چوہدری نے کہا ہے کہ ہم نے امریکی انتظامیہ کی جانب سے انٹیلی جنس رپورٹ دیکھی ہیں۔

انھوں نے کہا کہ رپورٹ پبلک ریلیز کی صورت میں جمال خاشقجی کے قتل کے بارے میں انٹیلی جنس پر مبنی ہیں۔

ترجمان دفتر خارجہ کا کہنا تھا کہ ہم نے دیکھا کہ سعودی حکومت نے جمال خاشفجی کے قتل کو سلطنت کے قوانین اور اقدار کے خلاف قرار دیا ہے۔


انھوں نے کہا کہ سعودی حکومت نے صحافی کے قتل میں ملوث کرداروں کو سزا دلوانے کے لیے اقدامات اٹھائے، ملوث کرداروں کی تحقیقات کر کے انہیں سزائیں دلوائیں۔

ترجمان دفتر خارجہ کا کہنا تھا کہ سعودی حکومت نے اس معاملہ میں انصاف کے تمام تقاضے پورے کیے ہیں۔

انھوں نے کہا کہ پاکستان صحافی کے قتل میں ملوث افراد کو کیفر کردار تک پہنچانے کی کاوشوں کو تسلیم کرتا ہے۔

زاہد حفیظ چوہدری کا کہنا تھا کہ پاکستان اس سے متعلق سعودی عرب کے ساتھ اظہار یکجہتی کرتا ہے۔

انھوں نے یہ بھی کہا کہ پاکستان قانون کی پاسداری اور قومی سالمیت و بقا کا احترام کرتا ہے۔

قومی خبریں سے مزید