میرے سوشل میڈیا چھوڑنے پر اپنی تھیوریز نہ لگائیں: عامر خان کا صحافی کو جواب

بالی ووڈ اداکار عامر خان نے سوشل میڈیا چھوڑے سے متعلق سوال پر صحافی کو کرارا جواب دے دیا۔

عامر خان نے اپنی 56ویں سالگرہ کے موقع پر اپنے انسٹاگرام پر پوسٹ شیئر کرتے ہوئے کہا کہ وہ اب سوشل میڈیا چھوڑ رہے ہیں جس کے بعد اُن کے مداح تشویش میں مبتلا ہوگئے ہیں کہ آخر کیوں اداکار نے سوشل میڈیا کو خیرباد کہا۔

انہی تشویش میں مبتلا مداحوں کو جواب دیتے ہوئے عامر خان کا ایک ویڈیو پیغام منظر عام پر آیا ہے۔

ویڈیو میں دیکھا جاسکتا ہے کہ صحافی نے عامر خان سے کہا آپ کے سوشل میڈیا چھوڑنے پر مختلف قسم کی قیاس آرائیاں کی جارہی ہیں جس پر عامر خان نے کہا کہ ’میرے سوشل میڈیا چھوڑنے پر آپ لوگ اپنی تھیوریز نہ لگائیں‘۔

عامر خان کا سوشل میڈیا کو خیرباد کہنے کا اعلان

ممبئی (مانیٹرنگ ڈیسک)بولی وڈ کے مسٹر پرفیکشنسٹ...

عامر خان نے کہا کہ ’میں ویسے بھی سوشل میڈیا کا استعمال نہیں کرتا، میں نے سوچا کہ جب کوئی پوسٹ ہی نہیں کرتا ہوں تو کیوں نہ اس کا مکمل استعمال ہی چھوڑ دوں۔‘

بالی ووڈ اداکار نے کہا کہ ’میں کہیں نہیں جارہا بلکہ یہیں ہوں، سوشل میڈیا سے پہلے بھی صحافیوں کے ذریعے ہی اپنی بات مداحوں تک پہنچاتا تھا، اب بھی ایسا ہی کروں گا۔‘

اُنہوں نے کہا کہ ’اب میڈیا کا کردار بڑھ گیا ہے کیونکہ میں میڈیا کے ذریعے ہی اپنے مداحوں سے بات کروں گا۔‘

عامر خان کے بیٹے نے اداکاری کے میدان میں قدم رکھ دیا

جنید تو ویسے ہی کئی سالوں سے اداکاری کر رہے ہیں، لیکن یہ ابھی بھی میرے لیے نیا ہے، اِرا خان

عامر خان نے صحافی سے مزید کہا کہ ’آپ کو تو خوش ہونا چاہیے اور مجھے میڈیا پر پورا بھروسہ ہے۔‘

خیال رہے کہ عامر خان کے ٹوئٹر پر 26 ملین سے زائد فالوورز ہیں جب کہ انسٹاگرام پر بھی ان کے 36 لاکھ فالوورز ہیں۔