فرمان الہی
نماز کے اوقات
ضلع وہاڑی کی تحصیل بورے والا کے تھانہ ماڈل ٹاؤن کی حدود میں زیرِ حراست دو ڈاکوؤں کو دوران تفتیش ریکوری کے لیے لے جانے والی پولیس وین پر تین مسلح افراد کی فائرنگ کردی، فائرنگ سے دونوں ڈاکو ہلاک ہوگئے جبکہ ایک پولیس اہلکار بھی زخمی ہوا ہے، تینوں مسلح افراد فرار ہوگئے۔
تھانہ ماڈل ٹاؤن کی حدود میں تھانہ سٹی پولیس زیرِ حراست ڈکیتی اور راہزنی کی وارداتوں میں ملوث دو ملزمان فیض رسول اور نعمان کو دوران تفتیش ریکوری کے لیے لے کر جارہی تھی کہ نیو سٹی ہاؤسنگ سکیم کے قریب تین نامعلوم مسلح افراد نے ان پر اندھا دھند فائرنگ کردی جس کے نتیجہ میں دونوں زیرِ حراست خطرناک ملزمان ہلاک ہوگئے جبکہ ایک کانسٹیبل فاروق بھی فائرنگ کی زد میں آکر زخمی ہوگیا۔
مسلح افراد موقع سے فرار ہوگئے جبکہ زخمی کانسٹیبل اور ہلاک ہونے والوں کی نعشیں ٹی ایچ کیو اسپتال منتقل کردی گئیں۔
فرار ہونے والے مسلح ملزمان کی گرفتاری کے لیے علاقہ کی ناکہ بندی کروادی گئی، زخمی کانسٹیبل محمد فاروق کو بہادری پر ڈی پی او وہاڑی زاہد نواز مروت کی جانب سے تعریفی سرٹیفیکیٹ کے ساتھ 50 ہزار انعام کا اعلان کیا گیا ہے جبکہ ڈاکٹر ز کی جانب سے بہترین علاج معالجہ کی یقین دہانی کروائی گئی ہے
