جنوبی افریقی کرکٹر تبریز شمسی بھی محمد رضوان کے فین ہوگئے

23 اپریل ، 2021

رضوان رنز بنانے کا کسی اور کو بھی موقع دیں، جنوبی افریقی کھلاڑی بھی رضوان کے فین ہوگئے

جنوبی افریقی کرکٹر تبریز شمسی بھی قومی کرکٹ ٹیم کے نائب کپتان محمد رضوان کی شاندار بیٹنگ کے فین ہوگئے ہیں۔

انہوں نے پی سی بی کے ٹوئٹ پر ردعمل دیتے ہوئے کہا کہ ’محمد رضوان اب بھی بلاتعطل اسکور کر رہے ہیں، رضوان اب آپ کسی اور کو بھی موقع دیں۔‘

تبریز شمسی نے محمد رضوان کو ٹیگ کرتے ہوئے ازراہِ مذاق لکھا کہ ’بھائی مذاق مذاق میں رنز ہی اسکور کیے جارہے ہو کسی اور کو بھی موقع دو اب۔‘

انہوں نے یہ بھی لکھا کہ ’انہیں بھی اپنی پرفارمنس سے زندہ رہنا ہے۔‘

واضح رہے کہ محمد رضوان گذشتہ کئی ماہ سے پاکستانی بیٹنگ میں ریڑھ کی ہڈی کی حیثیت رکھتےہیں۔ انہوں نے نیوزی لینڈ کی سیریز سے آخری گیارہ ٹی ٹوئنٹی میچوں میں ایک سنچری اور پانچ نصف سنچریوں کی مدد سے554رنز بنائے ہیں۔

زمبابوے کیخلاف پہلےٹی 20 میچ میں بھی رضوان نے 82 رنز کی شاندار اننگز کھیلی تھیں جس نے پاکستان کی جیت میں اہم کردار ادا کیا تھا۔

تازہ ترین