فائزر کو عام فریج میں بھی رکھا جا سکتا ہے،ای ایم اے

یورپی یونین میں ادویات کے نگراں ادارے یورپین میڈیسن ایجنسی (ای ایم اے) کا کہنا ہے کہ فائزر کی کووڈ ویکسین کو معمول کے فریج میں بھی زیادہ لمبے دورانیے کے لیے رکھا جا سکتا ہے۔

یورپین میڈیسن ایجنسی نے ماضی میں دی گئی تجویز کے برعکس کہا ہے کہ ویکسین ایک ماہ تک کیلئے عام فریج میں رکھی جاسکتی ہے۔

امریکا میں جمعرات سے بچوں کو فائزر ویکسین لگے گی

امریکا میں جمعرات سے بچوں کو فائزر ویکسین لگے گی۔ جبکہ آسٹریلوی ریاست وکٹوریہ میں 2 ماہ بعد کورونا کیس رپورٹ ہوا ہے۔ جاپان کے شہر اوساکا میں کورونا کی چوتھی لہر کے نتیجے میں گھروں میں کورونا مریضوں کی اموات میں اضافہ ہوا ہے۔

اس سے قبل بتایا گیا تھا کہ عالمی وبا کورونا وائرس کی جنوبی افریقی اور برطانوی اقسام کے خلاف فائزر ویکسین 75 فیصد تک مؤثر ثابت ہو سکتی ہے۔

قطر میں کی گئی تحقیق میں یہ مثبت نشاندہی ہوئی تھی، اس سے پہلے ان اقسام پر کوئی ویکسین اثر انداز نہیں ہو رہی تھی۔

فائزر ویکسین برطانوی، افریقی کورونا کےخلاف مؤثر

قطر میں کی گئی تحقیق میں مثبت نشاندہی ہوئی، اس سے پہلے ان اقسام پر کوئی ویکسین اثر انداز نہیں ہو رہی تھی

واضح رہے کہ عالمی ادارہ صحت نے چین کی سائنو فارم کورونا ویکسین کے ہنگامی استعمال کی منظوری دے دی، سائنو فارم عالمی ادارہ صحت کی جانب سے منظور کی جانے والی پہلی چینی ویکسین ہے۔

عالمی ادارے کے مطابق سائنو فارم کورونا وائرس کے خلاف 78 فیصد مؤثر ہے۔