پنجاب کا بجٹ منظور ہونے پر فردوس عاشق کی عوام کو مبارکباد

پنجاب کے وزیرِ اعلیٰ سردار عثمان بزدار کی معاونِ خصوصی برائے اطلاعات ڈاکٹر فردوس عاشق اعوان نے پنجاب کا مالی سال 22-2021ء کا بجٹ منظور ہونے پر صوبے کے عوام کو مبارک باد پیش کی ہے۔

فردوس عاشق کی PSL چیمپئن ملتان سلطانز کو مبارکباد

معاون خصوصی اطلاعات پنجاب ڈاکٹر فردوس عاشق اعوان نے پاکستان سپر لیگ (پی ایس ایل) سیزن 6 کی چیمپئن ملتان سلطانز کو مبارکباد دی ہے۔

سماجی رابطے کی ویب سائٹ ٹوئٹر پر جاری کیئے گئے ایک بیان میں ڈاکٹر فردوس عاشق اعوان کا کہنا ہے کہ وزیراعلیٰ پنجاب عثمان بزدار کی سربراہی میں معاشی ٹیم نے انتھک محنت کی۔

انہوں نے کہا کہ بزدار حکومت نے پنجاب کے عوام کے لیے بہترین بجٹ پیش کیا، پنجاب کا بجٹ غریب، مزدور، کسان، تاجر، صنعت کار سمیت ہر طبقے کے لوگوں کے لیے ریلیف پیکیج ہے۔

فردوس عاشق اعوان کا کہنا ہے کہ پاکستان تحریکِ انصاف (پی ٹی آئی) کے ممبرانِ اسمبلی اور ہمارے اتحادی بجٹ منظوری پر مبارک باد کے مستحق ہیں۔

انہوں نے مزید کہا کہ پنجاب کا بجٹ وزیرِ اعظم عمران خان کے یکساں ترقی کے ویژن کی عکاسی کرتا ہے، یہ بجٹ تمام اسٹیک ہولڈرز کی مشاورت سے مرتب کیا گیا۔

فردوس عاشق کا تھپڑ، قادر مندوخیل کی درخواست، SHO طلب

کراچی کی ضلع غربی کی عدالت نے وزیرِ اعلیٰ پنجاب عثمان بزدار کی معاونِ خصوصی ڈاکٹر فردوس عاشق اعوان کی جانب سے ایم این اے قادر مندوخیل کو تھپڑ مارنے کے واقعے کے کیس کی سماعت کرتے ہوئے ایس ایچ او سعید آباد کو 29 جون کے لئے نوٹس جاری کرتے ہوئے ان سے واقعے کی تفصیلی رپورٹ طلب کر لی۔

پنجاب کے وزیرِ اعلیٰ سردار عثمان بزدار کی معاونِ خصوصی برائے اطلاعات کا یہ بھی کہنا ہے کہ تاریخی ترقیاتی پیکیج سے پنجاب بھر میں پائیدار ترقی کے نئے دور کا آغاز ہوگا۔