مجھے نہیں معلوم ان کی کس سے شادی ہوئی، شہلا رضا کا حریم شاہ کا نام لیے بغیر جواب

معروف ٹک ٹاکر اسٹار حریم شاہ کی سندھ کے ایم پی اے سے شادی کے متعلق سوال پوچھنے پر صوبائی وزیر شہلا رضا کا کہنا تھا کہ مجھے نہیں معلوم ان کی کس سے شادی ہوئی ہے۔

صوبائی وزیر شہلارضا سے پریس کانفرنس میں حریم شاہ کی سندھ کے ایم پی اے سے شادی کی بازگشت سنائی دی ۔

حریم شاہ کے سندھ کے ایم پی اے سے شادی سے متعلق دعوے پر صحافی کا سعید غنی سے سوال

صحافی نے سعید غنی سے کہا کہ آپ کو مبارک ہو، آپ نے بہت چاول کھائے ہیں ہاتھ تو دکھادیں۔

صحافی نے سوال کیا کہ حریم شاہ کی پیپلزپارٹی کے ایم پی اے سے شادی کی اطلاعات ہیں،آپ کیا کہیں گی۔

جس پر شہلا رضا نے جواب دیتے ہوئے کہا کہ مجھے نہیں معلوم ان کی کس سے شادی ہوئی۔

شہلا رضا نے  حریم شاہ کا نام لیے بغیرجواب دیتے ہوئے کہا کہ اگر شادی ہوگئی ہے تو وہ کسی کی بیوی ہیں میں نہیں سمجھتی کہ اس پر بات کرنی چاہیے۔