فرمان الہی
نماز کے اوقات
ملتان میں خاتون کو مبینہ طور پر تنگ کرنے کے الزام پر دو نوجوان کو تشدد کا نشانہ بنایا گیا، ایک نوجوان کو برہنہ بھی کیا گیا۔
ملزمان نے تشدد کی ویڈیو سوشل میڈیا پر اپ لوڈ کردی تھی۔ واقعے میں ملوث 2 ملزمان کو گرفتار کرلیا گیا۔
پولیس کے مطابق واقعہ 10 جولائی کو شیر شاہ کے علاقے میں پیش آیا، دو نوجوانوں پر تشدد کرنے والے عمران اور زبیر کو گرفتار کرلیا گیا۔
گرفتار ملزم عمران نے بیان دیتے ہوئے بتایا کہ فیصل اور مدثر بیوی کو ٹیلی فون پر تنگ کرتے تھے۔
خاتون نے دونوں لڑکوں کو گھر بلایا، خاتون کے شوہر اور رشتے داروں نے مل کر دونوں نوجوان کو کمرے میں بند کرکے تشدد کا نشانہ بنایا اور دونوں نوجوانوں سے کہا کہ خاتون سے معافی مانگیں۔
نوجوانوں سے ناک سے زمین پر لکیریں بھی کیھنچوائی گئیں۔
پولیس نے واقعے کا مقدمہ درج کرکے خاتون کے شوہر سمیت 2 افراد کو گرفتار کرلیا، جبکہ دیگر ملزمان کی تلاش جاری ہے۔
