فرمان الہی
نماز کے اوقات
وفاقی وزیر برائے منصوبہ بندی اسد عمر کاکہنا ہے کہ وفاقی دارالحکومت اسلام آباد میں 2 لاکھ 75 ہزار درخت لگائے جائیں گے۔
اسد عمرنے میاوا کی فاریسٹ افتتاحی مہم کی تقریب سےخطاب میں کہا کہ ملک میں 10 بلین ٹری کے منصوبے کا آغاز ہو رہا ہے ، اسلام آباد میں 2 لاکھ 75 ہزار درخت لگائے جارہے ہیں۔
انہوں نے کہا کہ شجرکاری مہم میں مدارس، اسکول اور تاجر برادری بھی شامل ہے، دس بلین ٹری سونامی جیسے پروجیکٹ عام سیاستدان نہیں کرسکتا کیوں کہ اس سے ووٹ نہیں پڑتے۔
انہوں نے کہا کہ تعلیمی ادارے اور مدارس کے طلبا بھی پودے لگا رہے ہیں، پودے لگانے سے اگلے انتخابات میں ووٹ نہیں ملنے، لیکن آئندہ نسل کو فائدہ ہوگا۔
اسد عمر نے کہا کہ اسلام آباد میں گورننس کانظام بہت ضروری ہے جس کے لیے وزیراعظم سےمنظوری لیں گے، ترقیاتی کاموں کے ساتھ گورننس نظام کی بہتری بھی ضروری ہے۔
وفاقی وزیر نے کہا کہ اسلام آباد میں دو اسلام آباد تھے ، ایک اسلام آباد بنا رہے ہیں، ایک نظام لے کر آرہے ہیں، اسلام آباد کے تمام شہریوں کا حق ہے کہ ان کے حقوق کا خیال رکھا جائے۔
انہوں نے کہا کہ رہائشیوں کومشکلات والی ہاوسنگ سوسائیٹیز کےمسائل حل کرنےجارہے ہیں، اسلام آباد میں 4 کالج اور 4 اسپتال بنا رہے ہیں۔
