افغان آرمی چیف آف اسٹاف ولی محمد احمد زئی عہدے سے برطرف

افغان آرمی چیف آف اسٹاف ولی محمد احمد زئی کو عہدے سے برطرف کردیا گیا۔

افغان صدر اشرف غنی نے جنرل ہیبت اللّٰہ علی زئی کو افغان فوج کا نیا چیف مقرر کردیا ہے۔

افغانستان میں تشدد کی نئی لہر کے باعث 21 جون کو ہی افغان صدر نے جنرل ولی محمد احمد زئی کو نیا چیف آف آرمی اسٹاف تعینات کیا تھا۔

برطرف ہونے والے افغان آرمی چیف ولی محمد احمد زئی کی کارکردگی کو بڑے پیمانے پر تنقید کا نشانہ بنایا گیا۔

کابل میں دھماکا، کئی افغان صوبوں پر طالبان کا قبضہ

افغانستان کے دارالحکومت کابل کے ضلع 8 میں دھماکا ہوا ہے جس کے دوران حکومتی گاڑی کو نشانہ بنایا گیا ہے، کئی افغان صوبوں پر طالبان کا قبضہ ہو چکا ہے۔

 افغانستان میں طالبان کی پیش قدمی روکی نہ جاسکی،نو صوبائی دارالحکومتوں کا کنٹرول حاصل کرلیا۔

طالبان دارالحکومت کابل سے تقریباً دو سوکلو میٹردور رہ گئے، کئی علاقوں میں شہری گھروں میں محصورہوگئے،لڑائی میں تیزی آنے پرافغان شہریوں کی بڑی تعداد کابل پہنچنے لگی