الیکشن کمیشن نے نااہلی کیس میں فیصل واوڈا کو آخری موقع دیتے ہوئے کہا کہ آئندہ سماعت پر اب حتمی دلائل ہوں گے۔
درخواست گزار عبدالقادر مندوخیل کا موقف تھا کہ فیصل واوڈا نے تین سال قومی اسمبلی کے مزے لوٹے، 6 سال سینیٹ کے مزے لوٹیں گے، ابھی تک یہ جواب نہیں ملا کہ فیصل واوڈا نے دہری شہریت کب چھوڑی۔
فیصل واوڈا کے وکیل نے چار ہفتے کی مہلت مانگتے ہوئے کہا کہ ہم تحریری دلائل جمع کروادیتے ہیں، تمام دلائل کو ایک بار پھر سُن لیں۔
ممبر الیکشن کمیشن نثار درانی نے فیصل واوڈا کو جواب کے لیے آخری مہلت دیتے ہوئے کہا کہ اب حتمی دلائل ہوں گے۔
کیس کی سماعت 2 دسمبر تک ملتوی کر دی گئی، فیصل واوڈا پر کاغذات نامزدگی میں جھوٹا حلف نامہ جمع کروانے کا الزام ہے۔