کراچی میں قتل ہونے والے ناظم جوکھیو کے کیس کی تحقیقات میں پیش رفت سامنے آئی ہے۔
تفتیشی حکام کے مطابق مقتول ناظم جوکھیو کو جام ہاؤس کے ویئر ہاؤس میں رکھا گیا تھا، جہاں اس پر تشدد بھی کیا گیا۔
تفتیشی حکام نے بتایا ہے کہ جام ہاؤس کے ویئر ہاؤس سے تمام شواہد اکٹھے کر لیے گئے ہیں۔
انہوں نے بتایا کہ مقدمے میں ایم پی اے جام اویس سمیت 5 افراد کو نامزد کیا گیا تھا۔
تفتیشی حکام نے مزید بتایا کہ 164 کے بیان کے بعد مزید 11 ملزمان کے نام مقدمے میں شامل کیئے گئے ہیں۔
تفتیشی حکام کا یہ بھی کہنا ہے کہ ایم این اے جام عبدالکریم سمیت 4 ملزمان نے اپنی ضمانت قبل از گرفتاری کروالی ہے۔
واضح رہے کہ ناظم جوکھیو کے قتل کے مقدمے میں اب تک جام اویس سمیت 6 ملزمان کو گرفتار کیا جا چکا ہے۔