وفاقی وزیر داخلہ شیخ رشید نے ڈیرہ اسماعیل خان میں ایف سی، کے پی ساؤتھ ہیڈ کوارٹرز کا دورہ کیا۔ خیبر پختونخوا ساؤتھ کے آئی جی ایف سی میجر جنرل منیر افسر نے وزیر داخلہ کا استقبال کیا۔
اس موقع پر انھیں ایف سی کی آپریشنل تیاریوں اور علاقے سے متعلق بریفنگ دی گئی۔ بارڈر سیکیورٹی اور مینجمنٹ کی تفصیلات سے آگاہ کیا گیا۔
وفاقی وزیر داخلہ نے چائیکان میں زیر تعمیر ایف سی کے پی ساؤتھ کے نئے ہیڈ کوارٹرز کا بھی دورہ کیا اور جوانوں سے خطاب میں وزیر داخلہ نے دفاع وطن کے لیے پاک فوج کی قربانیوں کو خراج تحسین پیش کیا۔