برطانوی وزیر اعظم بورس جانسن نے کہا ہے کہ انتہائی نگہداشت وارڈز میں 90 فیصد بوسٹر نہ لگوانے والے افراد زیر علاج ہیں۔
لندن میں صحافیوں سے گفتگو کرتے ہوئے انھوں نے کہا کہ ویکسینیشن مہم نے انگلینڈ میں وبا کو موجودہ سطح پر کنٹرول میں رکھا ہوا ہے۔ بوسٹر لگوانے کے اہل 24 لاکھ افراد نے ابھی تک بوسٹر نہیں لگوایا۔
بورس جانسن کا مزید کہنا تھا کہ ویکسین نہ لگوانے والے افراد کے اسپتال میں داخلے کا امکان 8 گنا بڑھ جاتا ہے۔ بوسٹر لگواکر نئے سال کی خوشیاں احتیاط کے ساتھ منائی جائیں۔
بورس جانسن نے کہا کہ یکم جنوری تک ملک کے ہر بالغ شخص کو بوسٹر لگوانےکی پیشکش کی جائے گی۔