بھارتی شہر ممبئی میں پیش آنے والے ایک واقعے کی ویڈیو سوشل میڈیا پر وائرل ہے جسے دیکھ کر انٹرنیٹ صارفین ٹرین ڈرائیور کی حاضر دماغی کو خوب داد دے رہے ہیں۔
بھارتی میڈیا رپورٹس کے مطابق ایک شخص ممبئی کے ریلوے اسٹیشن پر خودکشی کی غرض سے پہنچا، ٹرین کو اسٹیشن کے قریب پہنچتے دیکھ کر خود کشی کا ارادہ رکھنے والا یہ شخص پٹری پر آ کر لیٹ گیا اور اپنے اوپر سے ٹرین کے گزرنے کا انتظار کرنے لگا۔
ممبئی ریلوے اسٹیشن پر نصب سیکیورٹی کیمروں کی آنکھ میں محفوظ ہونے والے مناظر میں دیکھا جا سکتا ہے کہ شخص کو پٹری پر لیٹا دیکھ کر ٹرین ڈرائیور نے ریل کو ایمرجنسی بریک لگا کر روک لیا اور خودکشی کرنے والے شخص کی زندگی بچا لی۔
اس دوران اسٹیشن پر موجود ریلوے پولیس کو بھی خود کشی کرنے والے شخص کے قریب بھاگ کر پہنچتے اور اُسے بچا کر اسٹیشن پر لاتے ہوئے دیکھا جا سکتا ہے۔