پاکستان تحریک انصاف (پی ٹی آئی) کے رہنما عمر سرفراز چیمہ نے بطور گورنر پنجاب اپنے عہدے کا حلف اٹھالیا، چیف جسٹس لاہور ہائیکورٹ محمد امیر بھٹی نے ان سے حلف لیا۔
حلف برداری کی تقریب گورنر ہاؤس لاہور میں ہوئی جس میں سابق وزیراعلیٰ پنجاب عثمان بزدار سمیت دیگر نمایاں شخصیات نے شرکت کی۔
عمر سرفراز چیمہ کو چوہدری محمد سرور کو عہدے سے ہٹاکر گورنر پنجاب مقرر کیا گیا تھا۔
تقریب حلف برداری میں چیف سیکریٹری اور آئی جی پنجاب نے بھی شرکت کی۔