چین میں تعینات پاکستان کے سفیر معین الحق نے ایک پروگرام سے دلچسپ ویڈیو سوشل میڈیا پلیٹ فارم ٹوئٹر پر شیئر کردی۔
ویڈیو میں دیکھا جاسکتا ہے کہ پروگرام میں پاکستان ایمبیسی کالج بیجنگ کی میوزک ٹیچر مس وکی نے حدیقہ کیانی کا مشہور زمانہ گانا ’’بوہے باریاں‘‘ گاکر سب کو حیران کردیا۔
واضح رہے کہ چین میں پاکستان ایمبیسی بیجنگ کی جانب سے پاکستان کے 75ویں جشن آزادی کے موقع پر پاکستانی ثقافت اور کھانوں کو فروخت دینے کے لیے پروگرام کا انعقاد کیا گیا۔
مذکورہ وائرل ویڈیو اسی پروگرام کی ہے جسے چین میں تعینات پاکستانی سفیر نے شیئر کیا ہے۔ اس پروگرام میں چینی حکام، حکومتی عہدیداران، کاروباری حضرات، چین میں مقیم پاکستان کمیونیٹی، میڈیا پرسنز سمیت تین سو سے زائد شخصیات نے شرکت کی تھی۔