پولینڈ کے وزیر خارجہ زبیگینیو راؤ نے جنگ عظیم دوئم میں ہونے والے نقصان کی تلافی کے لیے جرمنی کو سفارتی نوٹ لکھ دیا، یہ نوٹ پولینڈ کی طرف سے تلافی کا باقاعدہ مطالبہ ہے۔
پولینڈ کی حکمران جماعت نے تخمینہ لگایا تھا کہ جرمنی کی طرف پولینڈ کی 1.26 ٹریلین ڈالر رقم واجب الادا ہے۔
دوسری طرف جرمنی جو پولینڈ کا سب سے بڑا تجارتی پارٹنر ہے اس کا کہنا ہے کہ جنگ سے متعلقہ تمام مالی دعوے پورے کیے جاچکے ہیں۔
پولینڈ کے وزیر خارجہ نے نیوز کانفرنس میں کہا کہ دونوں فریقین مستقل اور پائیدار حل کیلئے اقدامات کریں اور جرمنی کی طرف سے کیے گئے قبضے اور جارحیت کا مسئلہ حل کریں۔
یاد رہے کہ جنگ عظیم دوئم میں 60 لاکھ پولش شہری بشمول 30 لاکھ یہودیوں کے مارے گئے تھے۔
1953ء میں اس وقت کی پولش حکومت نے سوویت یونین کے دباؤ میں آکر ہرجانے کے تمام دعووں سے دستبردار ہونے کا اعلان کیا تھا۔