پاکستان تحریکِ انصاف کے رہنما فیصل واؤڈا کا کہنا ہے کہ کابینہ میں بتایا تھا شہزاد اکبر ملک سے چلے جائیں گے۔
یہ بات انہوں نے نیب راولپنڈی میں پیشی کے بعد میڈیا سے گفتگو کرتے ہوئے کہی۔
انہوں نے بتایا کہ لندن سے فنڈز آنے کے معاملے پر بیرسٹر شہزاد اکبر نے بریفنگ دی تھی، میں نے کابینہ میں بتایا تھا کہ شہزاد اکبر ملک سے چلے جائیں گے۔
فیصل واؤڈا کا کہنا ہے کہ نیب سے نوٹس آیا تھا، لندن سے فنڈز آئے تھے جس پر مجھے نیب نے بلایا تھا۔
ان کا مزید کہنا ہے کہ اس سارے معاملے پر کابینہ میں شیریں مزاری اور میں نے سوال اٹھائے تھے۔
پاکستان تحریکِ انصاف کے رہنما فیصل واؤڈا کا کہنا ہے کہ میرے خیال میں فواد چوہدری نے بھی اس معاملے پر سوال کیا تھا۔