وفاقی اردو یونیورسٹی گلشن اقبال کیمپس میں پروفیسر پر تشدد کرنے والے طلبہ کے خلاف مقدمہ درج کر لیا گیا۔
اس حوالے سے پولیس کا کہنا ہے کہ پروفیسر سکندر شیروانی پر تشدد کے الزام میں 19 سے زائد طلبہ پر مقدمہ درج کیا ہے۔
مقدمہ پروفیسر سکندر شیروانی کی مدعیت میں عزیز بھٹی تھانے میں درج کیا گیا۔
پولیس کا کہنا ہے کہ گزشتہ روز طلبہ نے پرچہ دینے سے روکنے پر پروفیسر پر تشدد کیا تھا۔
پروفیسر کے مطابق طلبہ کو حاضری مکمل نہ ہونے پر پرچہ دینے سے روکا گیا تھا۔