فلپائن: کشتی میں آگ لگنے سے 31 افراد ہلاک، 230 کو بچا لیا گیا

March 30, 2023

فلپائنز میں ایک کشتی میں آگ لگنے سے 31 افراد ہلاک ہوگئے جبکہ 230 کو ریسکیو کرلیا گیا۔

’لیڈی میری جوائے 3‘ نامی کشتی زمبوانگا سے جزیدہ جولو جا رہی تھی جب بدھ کی رات اس میں آگ بھڑک اٹھی۔

آتشزدگی کے بعد مسافروں نے جان بچانے کیلئے کشتی سے چھلانگ لگائی۔

ریسکیو رضاکاروں، کوسٹ گارڈ اہلکاروں اور مچھیروں نے 195 مسافروں اور 35 رکنی عملے کو بچایا۔

کوسٹ گارڈز کی ایک کشتی نے 8 گھنٹے کی جدوجہد کے بعد آگ پر قابو پایا۔

حکام نے بتایا کہ حادثے میں 14 افراد زخمی ہوئے جبکہ 7 لاپتہ ہیں، فوری طور پر آگ لگنے کی وجوہات معلوم نہیں ہوسکیں۔