کراچی (اسٹاف رپورٹر) پاکستان سپر لیگ میں پیر کی شب بابر اعظم کی والدہ میچ دیکھنے آئیں اور کپتان نے اپنی ٹیم کے لئے میچ وننگ سنچری بنائی اور یہ اننگز اپنی والدہ سے منسوب کردی۔انہوں نے کہا کہ مجھے بہت خوشی ہے کہ میری والدہ پہلی بار میرا میچ دیکھنے کے لیے گراؤنڈ میں آئی ہیں، ورنہ وہ عام طور سے ٹی وی پر ہی مجھے کھیلتا ہوا دیکھتی تھیں۔میری والدہ خوش قسمتی کی علامت ثابت ہوئی ہیں ۔ سنچری کے بعد بابراعظم پر تنقید کے نشتر چلانے والے نیوزی لینڈ کے سابق فاسٹ بولراور کمنٹیٹر سائمن ڈول نے تعریفوں کے پُل باندھ دیے۔