لاہور کے علاقے رائیونڈ سے تاجر کو اغواء کے بعد قتل کرنیوالے دونوں ملزمان کو خیبر پختونخوا سے گرفتار کر لیا گیا۔
سینئر سپرنٹنڈنٹ آف پولیس (ایس ایس پی) ڈاکٹر آنوش مسعود کے مطابق ملزمان ذیشان اور بلال کو ضلع ہری پور سے گرفتار کیا گیا، ملزمان نے چند روز قبل لین دین کے تنازع پر تاجر عاصم کو اغواء کے بعد گلا دبا کر قتل کر دیا تھا۔
ملزمان مغوی کے گھر والوں سے تاوان کا مطالبہ بھی کرتے رہے، انہوں نے واردات کے بعد لاش بوری میں ڈال کر روہی نالے میں پھینک دی تھی۔
ڈاکٹر انوش مسعود کے مطابق مقتول اور ملزمان ایک ہی گاؤں کے رہایشی اور رشتہ دار ہیں، مزید تفتیش جاری ہے۔