نصف سے زیادہ پاکستانیوں کا دعویٰ ہے کہ انہوں نے رمضان المبارک کے دوران اپنا وزن کم کیا ہے۔
گیلپ پاکستان کے18 سے 25 مارچ کے درمیان منعقد ہونے والے سروے میں ملک بھر سے 1 ہزار سے زائد افراد نے شرکت کی۔
اس سروے کے مطابق 56 فیصد پاکستانیوں کا وزن رمضان المبارک میں روزے رکھنےکی وجہ سے مثبت طور پر کم ہوا ہے، 35 فیصد کے وزن پر کوئی فرق نہیں پڑا، 7 فیصد افراد نے روزے کے باوجود وزن بڑھنے کی شکایت کی جبکہ 2 فیصد نے اس سوال کا کوئی جواب نہیں دیا۔
گیلپ پاکستان سروے کے مطابق وزن میں کمی کی اطلاع 30 سے 50 سال کی عمر کے لوگوں نے سب سے زیادہ دی جس سے یہ تناسب 58 فیصد بنتا ہے۔
اس سروے میں شامل 53 فیصد سے زیادہ 30 سال سے کم عمر جبکہ 52 فیصد 50 سال سے زائد افراد کا وزن کم ہوا۔