پنجاب ہیلتھ کیئر کمیشن نے گزشتہ ماہ کے دوران صوبے کے 33 اضلاع میں اتائیوں پر کریک ڈاؤن کیا۔
لاہور سے کمیشن کے ترجمان کے مطابق مختلف اضلاع میں اتائیوں کے 556 اڈے سربمہر کیے گئے۔
ترجمان پنجاب ہیلتھ کیئر کمیشن نے مزید بتایا کہ سب سے زیادہ 49 اتائیت کے اڈے ضلع لاہور میں سیل کیے گئے۔
ترجمان پی ایچ سی کے مطابق راولپنڈی میں 44، فیصل آباد 44، گجرانوالہ میں 32، سرگودھا میں بھی 32، لیہ میں 27 جبکہ اوکاڑہ اور ساہیوال میں 25 ،25 اتائیوں کے اڈے سیل کیےگئے۔