پاکستان شوبز انڈسٹری کی معروف اداکارہ نازش جہانگیر نے تنقید سے تنگ آنے کے بعد بابر اعظم کے مداحوں سے اپیل کردی۔
نازش جہانگیر نے فوٹو اینڈ ویڈیو شیئرنگ ایپ انسٹاگرام پر انہوں نے کچھ روز قبل مداحوں سے بات چیت کرنے کے لیے ایک سیشن رکھا جس میں اُنہوں نے مداحوں کی جانب سے پوچھے سوالات کے دلچسپ جوابات دیے تاہم ان کے ایک سوال کے جواب نے بابر اعظم کے مداحوں کو ناراض کر دیا۔
اُنہوں نے ایک سوال کا جواب دیتے ہوئے کہا تھا کہ وہ بابر اعظم سے شادی کی پیشکش قبول کرنے کے بجائے معذرت کرلیں گی۔
اداکارہ کا یہ بیان سوشل میڈیا پر وائرل ہوا تو بابر اعظم کے مداحوں نے اُن پر تنقید کرنا شروع کردی۔
جس کے بعد اب اُنہوں نے اپنی انسٹا اسٹوری پر بابر اعظم کے مداحوں کے لیے ایک پیغام شیئر کیا ہے۔
نارش جہانگیر نے لکھا کہ’جس کو بھی میری بات بُری لگی ہے وہ بابر اعظم کو اپنی بہن کا رشتہ دے دیں! لیکن میری جان چھوڑ دیں۔
واضح رہے کہ نازش جہانگیر نے سوال و جواب کے اس سیشن کے بعد اپنا انسٹاگرام اکاؤنٹ پبلک سے پرائیوٹ کردیا تھا لیکن بعد میں اُنہوں نے ناقدین کو جواب دینے کے لیے دوبارہ اپنا اکاؤنٹ پبلک کردیا۔