وزیر منصوبہ بندی احسن اقبال نے گورنر خیبر پختونخوا کو بھرپور تعاون کی یقین دہانی کرائی ہے۔
اعلامیہ کے مطابق وزیر منصوبہ بندی احسن اقبال سے گورنر خیبرپختونخوا فیصل کریم کنڈی نے ملاقات کی۔
ملاقات میں خیبر پختونخوا اسمبلی کے ایم پی اے احمد کریم کنڈی بھی موجود تھے۔
گورنر خیبر پختونخوا نے بتایا کہ چشمہ لیفٹ کینال منصوبہ کیلئے کے لیے وفاقی حکومت نے ساڑھے 17 ارب اور صوبائی حکومت نے 10 ارب روپے مختص کیے ہیں۔
فیصل کریم کنڈی کا کہنا تھا کہ یہ خیبر پختونخوا کی ترقی کا اہم منصوبہ ہے، منصوبے سے صوبے کی گندم کا مسئلہ نہ صرف حل ہوگا بلکہ پاکستان کی غذائی ضروریات بھی پوری ہونگی۔
گورنر خیبر پختونخوا نے کہا کہ اسمال ڈیمز کے منصوبے سی پیک میں شامل کیے جائیں۔
دوسری جانبوزیر منصوبہ بندی احسن اقبال نے گورنر خیبرپختونخوا کو بھرپور تعاون کی یقین دہانی کرائی۔
اعلامیہ میں کہا کہ ترقیاتی منصوبوں کے حوالے سے بھرپور تعاون فراہم کیا جائے گا، ضم شدہ اضلاع میں ترقیاتی فنڈز کے حوالہ سے ان کی تشویش کو ختم کیا جائے گا۔
احسن اقبال کام مزید کہنا تھا ملاقات میں خیبر پختونخوا کی سیاسی اور امن و امان کی صورتحال پر بھی تبادلہ خیال کیا گیا،اعلامیہ