کراچی(اسٹاف رپورٹر)آئی سی سی مینز ٹی ٹوئنٹی ورلڈکپ میں ویسٹ انڈیز کو بڑا دھچکا لگ گیا، اہم بیٹر برینڈن کنگ سائیڈ اسٹرین کی وجہ سے ایونٹ سے باہر ہوگئے۔ ویسٹ انڈیز کرکٹ کے مطابق برینڈن ٹورنامنٹ میں مزید نہیں کھیل پائیں گے۔برینڈن کنگ 19 جون کو سپر 8 مرحلے میں انگلینڈ کے خلاف میچ میں تکلیف کے باعث ریٹائرڈ ہرٹ ہوگئے تھے۔ٹی ٹوئنٹی ورلڈکپ کیلئے ویسٹ انڈین اسکواڈ میں لیفٹ ہینڈ بیٹر کائل مائیرز کو شامل کرلیا گیا ہے۔آئی سی سی ایونٹ ٹیکنیکل کمیٹی نے اسکواڈ میں تبدیلی کی اجازت دے دی ہے۔کائل مائیرز اتوار کو ویسٹ انڈین اسکواڈ جوائن کرلیں گے۔