امریکا میں نفرت پر مبنی جرائم کے ایک اور واقعہ میں ایک حجاب پوش مسلمان خاتون اور اس کی بیٹی کو جسمانی اور ذہنی تشدد کا نشانہ بنایا گیا ہے ۔
ذرائع کے مطابق شکاگو میں ایک امریکی خاتون اور دو مردوں نے حجاب پوش مسلمان خاتون اور اس کی بیٹی کا ان کی کار تک پیچھا کیا ،ان کے حجاب کھینچے اس دوران ان پر داعش سےوابستگی کا الزام لگاتے ہوئے انھیں برا بھلا کہتے رہے اور ان کو مارنے کی کوشش بھی کی۔
مذکورہ خاتون کے مطابق حجاب پہننے کی وجہ سے ان کے ساتھ اس قسم کا پانچواں نفرت انگیز واقعہ پیش آیا ہے ، ان پر تھوکنے کی کوشش بھی کی گئی۔واقعہ کی شکایت متعلقہ تھانے میں درج کر دی گئی ہے۔