امریکی گلوکارہ کیٹی پیری مشہور عالم سنگنگ رئیلٹی شو”امریکن آئیڈل“کی جج بن گئیں۔
امریکن آئیڈل اور اے بی سی کی جانب سے جاری ایک بیان کے مطابق امریکن آئیڈل کا اگلاسیزن جو آئندہ سال آن ائیر ہو گا، اس کے لئے گلوکارہ کیٹی پیری کو مرکزی جج چن لیا گیا ہے۔
کیٹی نے اپنی تقرری کے حوالے سے ٹوئٹ میں کہا ہے کہ وہ اے بی سی کی جانب سے امریکن آئیڈل کو واپس لانے اور خود موسیقی کی طرف واپس آنے پر بہت خوش ہیں۔
کیٹی نے اپنے مداحوں کوکہا کہ اب ہم آڈیشنز پر ملیں گے۔