ایمنسٹی انٹرنیشنل کا کہنا ہے کہ مقبوضہ کشمیر میں انسانی حقوق کی خلاف ورزی کرنے والے بھارتی میجر گوگوئی کو فوجی اعزاز دینا بھارت کی جانب سے انسانی حقوق کے لیے حقارت کا اظہار ہے۔
بھارت میں ایمنسٹی اینٹرنیشنل کے ایگزیکٹو ڈائریکٹر آکارپٹیل نے میجر گوگوئی کو فوجی اعزاز دینے کی شدید مذمت کی ہے۔
انہوں نے کہا ہے کہ انسانی حقوق کی خلاف ورزی کرنے والے کو ایوارڈ دینا بھارتی فوج کی پرتشدد پالیسی کی حمایت کو ظاہر کرتا ہے۔
آکارپٹیل کا کہنا ہے کہ اس کا مطلب یہ ہے کہ بھارتی فوج ظالمانہ، غیرانسانی اور توہین آمیز سلوک اور تشدد پر عمل پیرا رہنا چاہتی ہے۔
انہوں نے یہ بھی کہا کہ اس عمل سے کشمیریوں کے ساتھ غیرانسانی سلوک کرنے والوں کو سزا کا خوف نہیں رہے گا۔