ملت ایکسپریس میں خاتون پر تشدد کرنے والے ملزم کانسٹیبل کی ضمانت منسوخ کر دی گئی
کیس کی سماعت سیکنڈ سول جج اینڈ جوڈیشل مجسٹریٹ کی عدالت میں ہوئی۔
عدالت نے میر حسن کی ضمانت منسوخی کی پولیس کی درخواست پر محفوظ فیصلہ سنا دیا۔
عدالت نے میر حسن کی ضمانت منسوخ کر کے ریلوے پولیس کو گرفتاری کی اجازت دیتے ہوئے کہا کہ ملزم کو میرٹ کے تقاضوں کو پورا کیے بغیر ضمانت دی گئی۔
فیصلے میں کہا گیا کہ ضمانت کے وقت ججز عید کی چھٹیوں پر تھے، اسپشل جج نے ریلوے پرایسکیوٹر کے دلائل سنے بغیر ضمانت دی۔
میر حسن گرفتاری کے ڈر سے طبیعت خرابی کو جواز بنا کر عدالت میں پیش نہیں ہوا۔
ریلوے پولیس نے میر حسن کی ضمانت کی منسوخی کی درخواست تفتیش میں تعاون نہ کرنے اور میڈیکل کرانے کی غرض سے دائر کی تھی۔
عدالت نے گزشتہ ہفتے ضمانت کی منسوخی کی درخواست پر فیصلہ محفوظ کیا تھا۔