وزیر داخلہ سندھ سہیل انور سیال نے کہا ہے کہ بانی ایم کیو ایم ملک کے غدار ہیں، کلبھوشن یادو اور بانی ایم کیو ایم دونوں کا جرم ایک ہے اور دونوں کو پھانسی دی جائے۔
لاڑکانہ میں میڈیا سے گفتگو کرتے ہوئے سہیل انور سیال نے کہا کہ سندھ کے عوام سے امن و امان بحال کر نے کا وعدہ کیا تھا جو پورا کردیا ہے۔
ان کا کہنا تھا کہ وفاقی حکومت کراچی آپریشن کے متعلق کیے گئے اعلان پر عمل نہیں کر رہی، کم وسائل کے باوجود سندھ حکومت کا کراچی آپریشن جاری رہے گا۔
سہیل انور سیال کا کہنا تھا کہ بانی ایم کیو ایم نے ملک سے غداری کی ہے، انھیں بھی کلبھوشن کی طرح پھانسی دی جائے۔