یوں تو آپ نے کئی میوزیشنز کو شاندار پرفارمنس دیتے ہوئے دیکھا ہی ہوگا لیکن جناب آسمان کی بلندی پر میوزک پرفارمنس شاید ہی کبھی دیکھی ہو۔
ویڈیو میں نظر آنے والے ان منچلوں کو ہی دیکھ لیں جنہوں نے میوزک پرفارمنس کے ساتھ ایڈونچر کا منفرد انداز اپنایا اور سیکڑوں فٹ آسمان کی بلندی پر پہنچ گئے۔
آسٹریلیا سے تعلق رکھنے والے جانبازہیلی کاپٹر کی مددسے آسمان کی بلندی پر پہنچے اور ہیلی کاپٹر سے آزادانہ چھلانگ لگاتے ہوئے نہ صرف ایڈونچر کو شوق پورا کیا بلکہ ایک نوجوان نے جہاں فضا میں اُڑتے ہوئے میوزیکل انسٹرومینٹ ٹیوبا پر خوبصورت گانوں کی دُھن بکھیری دوسرے نوجوان نے یہ پرفارمنس ریکارڈ کرنے کے فرائض انجام دیئے۔
ایڈونچر اور میوزک کے شوقین منچلوں نے جہاں اس کارنامے کو خوب انجوائے کیا وہیں دیکھنے والے بھی تعریف کئے بغیر رہ نہ سکے۔