ملتان میں ٹماٹر کی قیمت کم نہ ہو سکی ، ٹماٹر 2 سو روپے فی کلو میں فروخت ہو رہا ہے ۔
ملتان میں گزشتہ ایک ماہ سے ٹماٹر کی قیمت آسمان سے باتیں کر رہی ہے ۔ خریدار ٹماٹروں کی قیمتوں پر پریشان ہیں تو دکاندار بھی خریدار نہ ہونے پر پریشان ہیں ۔
مارکیٹ میں سبزی فروشوں نے اپنی دکانوں اور ریڑھیوں پر ٹماٹروں کی مقدار میں کمی کر دی ہے ۔ کہتے ہیں جب خریدار ہی نہ ہو تو ٹماٹر فروخت کیسے ہوں گے ، دوم کوالٹی کے ٹماٹر کی قیمت بھی 160 روپے فی کلو ہے ۔
دوسری جانب ڈپٹی کمشنر نادر چٹھہ کا کہنا ہے کہ ٹماٹر کی صوبائی سطح پر قلت ہونے کے باعث قیمتوں میں اضافہ ہوا ہے ۔ قلت دور ہوتے ہی ٹماٹر کی قیمت کم ہو جائے گی ۔